ഇന്ന് മഴ കുറഞ്ഞേക്കും; ഓറഞ്ച് അലേര്ട്ട് പിന്വലിച്ചു, നാല് ജില്ലകളില് യെല്ലോ അലേര്ട്ട്

തിരുവനന്തപുരം: സംസ്ഥാനത്ത് ഇന്ന് മഴയുടെ ശക്തി കുറഞ്ഞേക്കും. കേന്ദ്ര കാലാവസ്ഥാ വകുപ്പ് മൂന്ന് ജില്ലകളില് പ്രഖ്യാപിച്ചിരുന്ന ഓറഞ്ച് അലേര്ട്ടുകള് പിന്വലിച്ചു. എന്നാല് നാല് ജില്ലകളില് ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാല് യെല്ലോ അലേര്ട്ട് നില നിര്ത്തി.

പത്തനംതിട്ട, കോട്ടയം, എറണാകുളം, ഇടുക്കി ജില്ലകളിലാണ് ഇന്ന് യെല്ലോ അലേര്ട്ട്. നാളെ വീണ്ടും മഴ ശക്തമാകാനും സാധ്യതയുണ്ട്. നാളെ പത്തനംതിട്ട, കോട്ടയം, ഇടുക്കി ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. ഈ ജില്ലകളില് നാളെ അതിശക്തമായ മഴക്കോ ഒറ്റപ്പെട്ട അതിശക്തമായ മഴയ്ക്കോ സാധ്യതയുണ്ട്.